×
  • Lajme
  • Lajme

    Kandidati potencial për kryeministër të Britanisë së Madhe përkrahës i Kosovës

    Reporteri
    25 Maj 2019 | 17:41

    Pas dorëheqjes së kryeministres britanike, Theresa May, emri më i përmendur për ta zëvendësuar atë është ai i Boris Johnson.


    Boris Johnson në të kaluarën ishte ish-sekretar i jashtëm i Britanisë së Madhe.

    Në vitin 2016-të, ai erdhi në vizitë në Kosovë në rolin e sekretarit. Johnson kishte thënë se mbështetja e Britanisë ndaj Kosovës është e pakursyeshme.

    “Unë pash disa qytete të ndryshme këto ditë… Unë mendoj se Kosova mund të bëhet shembull i mirë për të tjerët së çfarë bota mund të arrij. Unë jam krenar që Britania është një nga shtetet e para që e ka njohur pavarësinë e Kosovës në vitin 2008.”, ishte shprehur Johnson.

    Johnson ka qenë në krye të grupit të 100 konservatorëve rebelë që e bënë të pamundur miratimin në parlament të marrëveshjes që May arriti me Brukselin. Bashkimi Evropian ia ka bërë të qartë Londrës se nuk pranon rinegocim të marrëveshjes, siç kërkon Johnson.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!