Ushtarët austriakë mund të mos duken nëpër rrugët e Kosovës. Krejt kjo pasi ky shtet po ka problem me financat për ushtrinë, gjë që ka sjellur mundësinë e tërheqjes.
Këtë gjë e ka bërë të ditur ministri i ri i Mbrojtjes, Thomas Starlinger, i cili ka thënë se shteti i saj po ka problem në misionet ndërkombëtare, transmeton Reporteri.net.
“Në rrethanat e tanishme, nuk do të jemi në gjendje të realizojmë nevojat, pjesëmarrjen në misione paqëruajtëse”, deklaroi Starlinger.
Starlinger ka thënë se tërheqja e ushtarëve austriakë do të bëhet në proces të ngadalshëm dhe jo përnjëherë, duke shtuar se vendimin final do ta marrë qeveria në ardhje.
Sidoqoftë, në Ditën e Çlirimit të Kosovës, më 12 qershor, KFOR konfirmoi se do të vazhdojë të qëndrojë në Kosovë për të ofruar siguri.
Ndryshe, nga mijëra trupa të NATO-s që operojnë në Kosovë, rreth 400 ushtarë i takojnë shtetit austriak./Reporteri.net