Kryeministri i ri, Avdullah Hoti, i vetëm sot ka marrë pjesë në ceremoninë e marrjes së detyrës.

Me një kalim para Gardës Ceremoniale dhe me tapet të kuq ai ka marrë pozitën e kryeministrit, por se nuk ka pasur dorëzim nga ish-kryeministri Albin Kurti.

Kryeministri i ri Hoti ka ecur vetëm në tepihun e kuq, shkruan Reporteri.net.

Ai sot pritet të ketë një agjendë të ngjeshur.

Pak minuta pas marrjes së detyrës, Hoti nga ora 09:300 pritet të mbledh kabinetin e ri qeveritar për të mbajtur mbledhjen e parë si kreu i ekzekutivit.

Në ditën e parë si kryeministër, Hoti, do të bëjë homazhe te varri i ish-presidentit Ibrahim Rugova dhe në kompleksin memorial “Adem Jashari”.

Ndërkohë, vizitën e parë si kryeministër do ta bëjë në Ministrinë e Shëndetësisë. /Reporteri.net/.