Gjatë ditës së sotme dy persona janë gjetur pa shenja jete në një shtëpi në lagjen “Ortakoll” të Komunës së Prizrenit.
Rastin për Reporterin e ka konfirmuar zëdhënësi i Policisë për Rajonin e Prizrenit, Shaban Osmanollaj, i cili ka thënë se bëhet fjalë për një çift. Mësohet se burri është i moshës 60 vjeçare, ndërsa gruaja 55 vjeçare. Te çifti janë gjetur plagë që dyshohet se janë shkaktuar nga arma e zjarrit.
Ndërkohë janë publikuar edhe pamjet nga shtëpia ku çifti i moshuar është gjetur pa shenja jete.
Policia ka dalë në vendin e ngjarjes dhe ekipet e emergjencës dhe po e hetojnë rastin. /Reporteri.net