Komisionari për zgjerim i Bashkimit Evropian, Oliver Varhelyi, do të qëndrojë sot për vizitë zyrtare në Beograd.

Ai së bashku me kryeministren serbe, Ana Bërnabiq, do të vizitojnë Institutin e Shëndetit Publik “Dr Milan Jovanoviq Batut”, njofton Qeveria e Serbisë.

Kurse, nesër zyrtari evropian do të qëndrojë në Bosnje e Hercegovinë, Mal të Zi dhe Maqedoni të Veriut.

Po ashtu, të mërkurën ai do të vizitojë Shqipërinë dhe Kosovën, ka njoftuar Komisioni Evropian.

Gjatë vizitës në rajon, Varhelyi do të bisedojë me zyrtarët vendas për pandeminë e koronavirusit dhe mbështetjen e BE-së në këtë kontekst, thuhet në njoftim.