Deputeti i Komunitetit Egjiptian, Veton Berisha përmes një shkrimi në Facebook ka theksuar se dorëheqja e Ramush Haradinajt nga posti i kryeministrit dëshmon se ai është një burrështetas me vlera të larta dhe shumë i përgjegjshëm.

Berisha i ka kërkuar Haradinajt që të kthehet në detyrë, sepse siç ka shkruar ai, “kemi akoma punë përë të bërë bashkë”.

“Kryeministër z. Ramush Haradinaj, komuniteti Egjiptian dhe unë si përfaqësues i tyre sinqerisht të falenderoj për bashkëpunimin dhe përkrahjen tuaj gjatë gjithë mandatit si kryeministër i vendit. Dorëheqja e juaj edhe një herë e dëshmon se jeni burrshtetas me vlera të larta dhe shumë i përgjegjshëm. Ne bashkarisht vazhdojmë dhe mbesim të përkushtuar për ndërtimin e Kosovës si shtet i të gjithë neve. Të presim të kthehesh në detyrë sepse kemi akoma punë për të bërë bashkë”, ka shkruar ai.