×
  • Lajme
  • Lajme

    Kosachev-serbëve: Mund të llogarisni në Rusinë në rast të ndonjë sulmi ushtarak në Kosovë

    Reporteri
    09 Maj 2019 | 11:17

    Kryetari i Komitetit për Marrëdhënie të Jashtme i Dumës ruse, Konstantin Kosachev, ka thënë se Serbia mund të llogarisë në mbështetjen ushtarake të Rusisë në rast se Prishtina vendos për një skenar ushtarak për zgjidhjen e Problemit të Kosovës, transmeton Reporteri.net.


    Në një intervistë për “Novosti”, ai ka thënë se në rast se Prishtina vendos për një skenar ushtarak për zgjidhjen e problemit të Kosovës, shpresoj se nuk do të gjejë mbështetje nga Shtetet e Bashkuara ose të paktën aleatët e saj evropianë.

    I pyetur se a mund të llogarisë Serbia në mbështetjen ushtarake të Moskës një rast të një sulmi të armatosur të shqiptarëve në veri të Kosovës, Kosachev është përgjigjur se Serbia gjithmonë mund të mbështet tek Rusia.

    “E përsëris, shpresoj që nëse Prishtina vendos që përmes një skenari ushtarak të realizojë interesat e saj, rezistenca ndaj saj do të jetë pan-evropiane. Serbia ka të drejtë të llogarisë në të, duke pasur parasysh dialogun që udhëheq me BE-në. Dhe, sigurisht, Serbia mund të mbështetet në Rusinë.

    I pyetur se si e sheh Moska zgjidhjen e mundshme të problemit të Kosovës dhe Serbisë, Kosachev është përgjigjur se ata do të pranojnë çfarëdo marrëveshje që arrihet me konsensus mes dyja palëve.

    “Pozicioni ynë është i qartë, ne jemi në anën e Beogradit, Serbia është partneri ynë strategjik, ne nuk e njohim Kosovën e pavarur. Nëse arrihet një zgjidhje e pranueshme për të dyja palët në dialogun midis Beogradit dhe Prishtinës, Rusia nuk do të bllokojë marrëveshjen”, është shprehur ai. /Reporteri.net

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!