Krasniqi: Bedri Hamzën do ta donte secila komunë, por këtë fat e ka Mitrovica

Lajme

Krasniqi: Bedri Hamzën do ta donte secila komunë, por këtë fat e ka Mitrovica

Reporteri

31 Korrik 2021 | 23:23

Kryetari i Partisë Demokratike të Kosovës, Memli Krasniqi, ka zyrtarizuar kandidaturën e Bedri Hamzës për kryetar të Komunës së Mitrovicës.

Përmes një postimi në rrjetin social Facebook, Krasniqi ka thënë se një profesionist të lartë, një punëtor të madh, një njeri të urtë e të ndershëm si Bedri Hamzën do të donte ta kishte të vetin secila komunë, shkruan Reporteri.net.

Por, siç tha Krasniqi, këtë fat e ka Mitrovica.

Lexo edhe:

Mbi 2 mijë e 200 shoferëve iu konfiskua patentë shoferi vetëm në tre muajt e parë të këtij viti

Raportuesja Bakoyannis: S’mund të ndërlidhen Qiproja me Kosovën

BE: Themelimi i Asociacionit është urgjencë, dështimi nënkupton pasoja

“Një fat i mirë dhe i rrallë ky që me padurim do të përqafohet nga të gjithë qytetarët – për t’i dhënë fund talljes së gjatë me qytetin e tyre, e për t’i dhënë seriozisht shans jetës që ata e meritojnë”, tha Krasniqi.

Deklarata e plotë e kryetarit të PDK-së, Memli Krasniqi:

Nga një qytet me rëndësi të veçantë siç është Mitrovica, dhe nga një vend i kujtimeve të mira siç është Ëmbëltorja Ballkan, jam shumë i lumtur ta shpërndaj një lajm po ashtu të veçantë, të mirë e të rëndësishëm që do t’i flladitë zemrat e qytetarëve të Mitrovicës.

Bedri Hamza është Kandidati i PDK-së për Mitrovicën në zgjedhjet e tetorit.

Një profesionist të lartë, një punëtor të madh, një njeri të urtë e të ndershëm si Bedri Hamzën do të donte ta kishte të vetin secila komunë. Por, këtë fat e ka Mitrovica.

Një fat i mirë dhe i rrallë ky që me padurim do të përqafohet nga të gjithë qytetarët – për t’i dhënë fund talljes së gjatë me qytetin e tyre, e për t’i dhënë seriozisht shans jetës që ata e meritojnë.

Sepse, të gjithë pajtohen: S’ka si Bedri Hamza!

/Reporteri.net

Shpërndaje: