Kryetarja e grupit Ndërparlamentar të Miqësisë Francë-Ballkan Perëndimor, Marta de Cidrac, e ka mirëpritur dakordimin e arritur në Ohër më 18 mars mes Kosovës dhe Serbisë për aneks-marrëveshjen e propozuar nga Bashkimi Evropian, në kuadër të procesit të dialogut.

De Cidrac, rezultatet e takimit të Ohrit i konsideron si një hap i rëndësishëm drejt normalizimit të marrëdhënieve mes Prishtinës dhe Beogradit, po ashtu u shpreh se ky është një progres për stabilitetin dhe paqen e Ballkanit.

“Më shumë se njëzet vjet pas konflikteve vdekjeprurëse në ish-Jugosllavi, teksa rajoni i Ballkanit Perëndimor po përjeton tensione të lidhura veçanërisht me luftën e zhvilluar nga Rusia kundër Ukrainës. Bashkimi Evropian duhet të qëndrojë vigjilent ndaj situatës në këtë rajon, i cili përfaqëson çështjet ekonomike, të sigurisë dhe migracionit”, tha De Cidrac, sipas senatit francez, përcjell Reporteri.net.

De Cidrac, qëndrimin e saj për rezultatet nga takimi i Ohrit, e ka shprehur edhe në rrjetin social Twitter, të në cilin ka thënë: ” Jam e lumtur për rajonin e Ballkanit Perëndimor”. /Reporteri.net/.

Le Pdt @avucic et le PM @albinkurti se sont mis d’accord sur la mise en œuvre de l’accord sur la voie de la normalisation des relations entre la #Serbie et le #Kosovo en attendant de le signer officiellement.
Je me réjouis pour la région des #Balkans@SRBinFrance1 @KosovoenFrance https://t.co/O5ynSPetwj

— Marta de Cidrac (@MartadeCidrac) March 21, 2023