Kryeministri Albin Kurti ka vendosur që ta heqë pjesërisht taksën ndaj mallrave serbe. Mirëpo, ky vendim i të parit të Qeverisë nuk është për taksën në tërësi, por vetëm për lëndën e parë, shkruan Reporteri.
E taksën tërësisht, Kurti ka thënë se do ta heqë më 1 prill nëse pala serbe tregon gatishmëri për ta ndalur fushatën.
I pari i Qeverisë nuk është ndalur me kaq, pasi ka kërkuar heqjen e vizave si shpërblim për heqjen e taksës.
“Nëse pala serbe tregon qasje të mirë, atëherë duke filluar nga data 1 prill, Qeveria e KOsovës do ta heqë tëërësisht taksën ndaj mallrave nga Serbia për 90 ditë. BE-ja ta vlerësojë lartë vendimin e palës kosovare prej 100%, duke ofruar liberalizimin e vizave para Samitit të Zagrebit më 7 maj të 2020”, ka thënë Kurti.
Ndërkaq, Kurti ka shtuar se nëse Serbia nuk reflekton deri më 1 prill, do të nis vendosja e reciprocitetit nga data 1 prill, ndërkaq shton se do të vendoset sërish taksa pas 90 ditësh nëse Serbia nuk vazhdon qasjen e duhur./Reporteri.net