Nuk është i zakonshëm shkarkimi i Bahrim Shabanit nga pozita e zëvendësministrit të Ministrisë së Zhvillimit Rajonal.

Duket se gjithçka lidhet me votën e Grupit 6 Plus në rrëzimin e Qeverisë Kurti. Bahrim Shabani është përfaqësues i boshnjakëve që janë pjesë e këtij grupi parlamentar.

Këtë e kanë thënë burime të Reporterit brenda 6 Plus, teksa kanë thënë se këtë Kryeministri Albin Kurti e ka vërtetuar edhe me emërimin e zëvendësministrit të ri, shkruan Reporteri.

Në këtë pozitë është emëruar Fridon Lala, që është njeri i deleguar nga deputeti Elbert Krasniqi, i cili vjen nga komuniteti egjiptian, me saktë nga partia IRDK, por që është bërë pjesë e Grupit Parlamentar të VV-së në fillim të sesionit të Kuvendit të Kosovës.

Fridon Lala, i pari nga e djathta.

Bahrim Shabani, i pari nga e majta.

Fridon Lala shihet të ketë qenë në takim me deputetin Elbert Krasniqi kur ky iu bashkua Grupit të VV-së. Ky nuk është veprimi i njëjtë i parë prej se u rrezua. Menjëherë atë natë ai shkarkoi zëvendëskryeministrin e parë Avdullah Hoti. /Reporteri