Emisari i BE’së për Ballkanin Perëndimor, Miroslav Lajçak, mori pjesë në Samitin e Liderëve të Ballkanit që u mbajt sot në Vjenë të Austrisë, me ftesë të Grupit të Socialistëve Demokratë. 

Në fotografitë e ndara nga kjo pjesëmarrje, Lajçak shihet se është takuar edhe me kryeministrin e vendit, Albin Kurti, shkruan Gazeta Online Reporteri.net.

“E përshëndes angazhimin e fortë për anëtarësim në Bashkimin Evropian për Ballkanin Perëndimor dhe mundësinë për të shkëmbyer pikëpamjet”, ka shkruar Lajçak në Twitter.

Thanks to @TheProgressives and @IratxeGarper for having me at today’s Western Balkan Leaders Summit in Vienna. Welcomed the renewed strong commitment to 🇪🇺 membership for the Western Balkans and the opportunity to exchange views. pic.twitter.com/teEbDxcSos

— Miroslav Lajčák (@MiroslavLajcak) December 8, 2022

Edhe vetë kryeministri Kurti ka deklaruar se aplikimi i Kosovës për anëtarësim në BE është mirëpritur dhe përkrahur nga Grupi i Socialistëve Demokratë.

“Ne mirëpresim deklaratën e fortë sot të Samitit të Liderëve të Ballkanit Perëndimor @TheProgressives, duke konfirmuar mbështetjen e tyre të vendosur për aplikimin e Kosovës për anëtarësim në BE”, thuhet në deklaratë. /Reporteri.net/.

We welcome the strong statement today of @TheProgressives Western Balkans Leaders' Summit, confirming their staunch support for Kosova's upcoming application for EU membership. pic.twitter.com/ObJRIA02O4

— Lëvizja VETËVENDOSJE (@LVetevendosje) December 8, 2022

Kosova aplikon në BE, çfarë duhet të dimë?