Ky është vendimi për 17-vjeçarin që e sulmoi gruan rome në Ferizaj

Është caktuar masa e paraburgimit ndaj personit të dyshuar për sulmin e kryer ndaj gruas rome në qytetin e Ferizajt.


Këtë e ka bërë të ditur zëdhënësi i Prokurorisë, Ekrem Lutfiu.

“Prokurori i Shtetit, njofton opinionin se i është caktuar masa e paraburgimit personit të dyshuar për sulmin ndaj gruas rome në Ferizaj”, njofton.

Ndryshe personi i moshës 17-vjeçare është arrestuar disa orë pasi në media u publikua një video e sulmit ndaj një gruaje rome në sheshin e Ferizajt.

Majori i Policisë së Kosovës në Ferizaj, Mehmetali Hajdini, ka thënë për ngjarjen se kanë identifikuar dhe arrestuar një person të moshës 17 vjeçare, i cili tashmë ndodhet në paraburgim.

Ai ka treguar se edhe gruaja viktimë që u sulmua në disa vende pasi u denoncua në rrjetet sociale gabimisht se ajo po vidhte fëmijët.

“Jemi duke shikuar viktimës t’i gjejmë zgjidhje më afatgjate me qendrën sociale dhe me avokatin e Popullit. Ajo është te ne momentalisht”, ka thënë ai.

Gruaja që disa ditë më parë u sulmua nga disa adoleshentë në Lipjan, edhe sot ka qenë cak i sulmeve