AAK prezanton programin qeverisës me 4 shtylla

Pa kategori

AAK prezanton programin qeverisës me 4 shtylla

Reporteri

18 Janar 2021 | 15:34

Aleanca për Ardhmërinë e Kosovës (AAK), ka prezantuar programin qeverisës 2021-2025.

Kryetari i AAK-së, njëherit edhe kandidat për president nga kjo parti, Ramush Haradinaj në fjalës hyrse të tij para të pranishmëve tha se Aleanca është e bindur në suksesin e saj në këto zgjedhje të parakohshme nacionale.

Ai tha se këtë bindje i mbështesin në disa shtylla.

Lexo edhe:

Bogdanoviq: Kriminelët e Vuçiqit po i bëjnë presion serbëve në Kosovë

Edhe sot mot jostabil, diell e rrebeshe shiu

Ambasadori gjerman: S’mund të garantojmë se serbët do të marrin pjesë në zgjedhje

“Aleanca është e bindur në suksesin e saj në këto zgjedhje. Këtë bindje e mbështesim në disa shtylla; e para janë punët e mëdha që i kemi kryer në tri vitet e fundit, e nuk është tepër me i përmend disa prej tyre si Ushtria e Kosovës, Ligji për Trepçën, Pavarësia energjetike, Ligji për Kryeqytetin dhe dhjetëra punë të tjera”, tha Haradinaj.

Ai shtoi se në këto zgjedhje Aleanca ka një listë të jashtëzakonshme të kandidatëve për deputet me përgatitje të duhur e me integritet për Kuvend.

Sipas Haradinajt, programi zgjedhor i AAK-së është më i mirë i mundshëm i cili ndahet në katër shtylla.

“E para është ekonomia. E kemi një plan të detajuar si të dalim nga kriza e shkaktuar nga Pandemia…E kemi ideuar krijimin e Fondit të ringjalljes prej 1 miliard eurosh që është i realizueshëm e që garanton daljen nga kriza”, shto ai.

“Mandej është zhvillimi ekonomik për 4 vitet e ardhshme që parasheh një zhvillim të qëndrueshëm të vendit”, theksoi Haradinaj gjatë shpalosjes së programit.

“Shtylla e dytë e këtij programi është “siguria dhe shteti i së drejtës” që ofron garancë për funksionimin e shtetit të sigurt e të mbrojtur dhe sundim të ligjit”, tha ai tutje.

“Shtyllë e tretë e programit tonë janë krejt fushat sektoriale duke filluar nga arsimi, shëndetësia, mjedisi, rinia, kultura e deri te sporti. Ne jemi të vetëdijshëm se ka pasur mangësi në menaxhimin dhe qeverisjen e krejt këtyre fushave dhe ne e kemi gjetur modelin se si t’i adresojmë këto sfida”, tha në fjalën e tij kandidati I AAK-së për president, Ramush Haradinaj.

Gjatë prezantimit të programit, ai foli edhe për sfidat me të cilat ballafaqohet shëndetësia në Kosovë.

“Për arsye të njohura nga situata e krijuar me pandeminë, do të fokusohemi më shumë te shëndetësia. Në pjesën e shëndetësisë, programin tonë e kemi konceptuar në ndërtimin e një sistemi që do të mundësojë trajtimin e të gjithë atyre që kanë nevojë, e jo të na ikin pacientët e mjekët jasht vendit”, tha ai.

Haradinaj shtoi se programi qeverisës i AAK-së parasheh një varg veprimesh në funksion të fuqizimit të Kosovës në arenën ndërkombëtare.

“Shtylla e katërt, Politika e jashtme, me një varg veprimesh në funksion të fuqizimit të shtetit në arenën ndërkombëtare, njohjeve të reja, antarësimi në organizata ndërkombëtare dhe forcimi i marëdhënieve me aleatët strategjikë. Me programin tonë, theks të posaçëm i kemi dhënë antarësimit të Kosovës në NATO dhe integrimit në BE”, tha Haradinaj.

Shpërndaje: