Daut Haradinaj reagon për arrestimin e Nasim Haradinajt, poston fotografi me të gjatë luftës

Deputeti i Kuvendit të Kosovës nga radhët e Aleancës për Ardhmërinë e Kosovës (AAK), Daut Haradinaj, ka reaguar duke postuar një fotografi në llogarinë e tij në Facebook, ndaj arrestimeve që u bënë sot gjatë ditës nga zyrtarët e EULEX-it, e ku ndër të arrestuarit ishte edhe nënkryetari i OVL-së së UÇK-së, Nasim Haradinaj.


Deputeti Haradinaj postoi një fotografi ku shihet me babain e vet, tashmë të ndjerë, Hilmi Haradinaj dhe me Nasim Haradinajn.

Fotografi kjo e shkrepur gjatë luftës së fundit në Kosovë, e ku subjektet në fotografi shihen të veshur me uniforma kamuflazhi të UÇK-së.

Publiée par Daut Haradinaj sur Vendredi 25 septembre 2020

Ditën e premte në mëngjes nuk erdhi në Zyrën e Veteranëve të Luftës.

Nasim Haradinaj, ishte në vendlindjen e tij.

Por, me të dëgjuar për aksionin që po bënin hetuesit e Zyrës së Prokurorit të Specializuar këtu, Haradinaj erdhi në Prishtinë.

Nga këtu nënkryetari i veteraneve pati edhe një paraqitje para mediave.

Ai tha se nuk e njeh Gjykatën Speciale.

Nga këtu, hodhi akuza të rënda edhe në drejtim të udhëheqësve shtetëror por edhe misionit të EULEX-it.

Ish pjesëtari i Ushtrisë Çlirimtare të Kosovës, nga këtu u nis për në zyrat e televizionit T7.

Por, me të mbërritur në Pejton ku ndodhet selia e televizionit, atij iu ndalua nga zyrtarë të Zyrës së Prokurorit të Specializuar.

Nasim Haradinaj, refuzoi të shkonte me këta zyrtarë.

Ai insistonte që të ishte e pranishme edhe Policia e Kosovës.

Kështu edhe ndodhi.

Pasi erdhën Policia e Kosovës, pati një komunikim sërish me Haradinajt e zyrtarëve të shumtë përreth.

Këtu, ish ushtari i UÇK-së, përsëri refuzoi të shoqërohej në veturën me zyrtarët Speciales të cilët po asistohen nga Eulex-i në operacion.

Arsyeja e këtij aksioni, ishte urdhërarresti nga Dhomat e Specializuara ndaj Haradinajt.

Ish komandanti i betejës së Koshares, Nasim Haradinaj, përfundimisht u arrestua dhe veturat e EULEX-it dhe të Policisë së Kosovës u larguan bashkë me të.