Gruaja e Bekë Berishës deshi t’i shpëtojë “fshesës” së Albin Kurtit, e bëri një veprim

Qeveria e Kosovës ka votuar sot në mbledhje të qeverisë për shkarkimin e Bordit të Drejtorëve të Telekomit.


Shefja e Ministrisë së Ekonomisë, Rozeta Hajdari, duke kritikuar punën e drejtorëve, ka thënë se ata duhet të shkarkohen për arsye se kjo gjë kërkohet edhe nga Rezoluta e Kuvendit, shkruan Reporteri.net.

“Nuk kanë përmbushur planin e biznesit, Qeveria ka arsye për të besuar se drejtorët kanë shkelur detyrat, Drejtorët e tashëm kanë lejuar shpenzime të tepërta. Rezoluta e Kuvendit kërkon shkarkimin e drejtorëve”, ka thënë Hajdari.

E një prej “viktimave” të këtij vendimi është edhe gruaja e Bekë Berishës(deputetit të AAK-së), Besa Shatri, ani pse kjo e fundit kishte provuar t’i shpëtonte shkarkimit duke dashur të dorëhiqet.

Reporteri.net ka mësuar nga burime brenda Telekomit se Shatri kishte bërë gati dorëheqjen, por nuk e zuri afatin për ta dorëzuar. Kështu, Shatri zyrtarisht konsiderohet si e shkarkuar.

Sidoqoftë, deri tash nuk ka reaguar asnjë prej anëtarëve të Bordit veçmas, por i kanë drejtuar një letër të përbashkët Qeverisë Kurti, ku ky vendim u cilësua si politik dhe me qëllim të denigrimit të ndërmarrjes./Reporteri.net