×
  • Lajme
  • Pa kategori

    Hoxhaj takohet me kryetarin e Preshevës: Shqiptarët e Luginës do ta kenë gjithmonë mbështetjen e Kosovës

    Reporteri
    09 Gusht 2019 | 14:59

    Zëvendëskryeministri i Kosovës dhe njëherësh nënkryetari i PDK-së, Enver Hoxhaj, është takuar sot me kryetarin e Preshevës, Shqiprim Arifin, ku diskutuan për të drejtat e shqiptarëve që jetojnë në Kosovën Lindore.


    Hoxhaj, ka thënë se qytetarët e Luginës së Preshevës e kanë pasur dhe do të vazhdojnë ta kenë mbështetjen e institucioneve të Kosovës në realizimin dhe garantimin e të gjitha të drejtave të tyre, duke shtuar se Kosova duhet të insistojë në reciprocitet të plotë me të drejtat e pakicës serbe në vend.

    Ai, gjithashtu tha se Qeveria e re me PDK-në, do t’i intensifikojë kontaktet e ndërsjella dhe është e gatshme të garantojë ndikimin e drejtpërdrejtë në përmirësimin e jetës së qytetarëve në Luginën e Preshevës.

    Shkrimi i plotë i Enver Hoxhajt në Facebook:

    Me mikun tim, Shqiprim Arifi, patëm në diskutim një nga temat që Kosova e ka prioritet: të drejtat e shqiptarëve që jetojnë në Kosovën Lindore. Qytetarët e Luginës së Preshevës e kanë pasur dhe do të vazhdojnë ta kenë mbështetjen e institucioneve të Kosovës në realizimin dhe garantimin e të gjitha të drejtave të tyre. Kosova duhet të insistojë në reciprocitet të plotë me të drejtat e pakicës serbe në Kosovë. Pa respektim të plotë të të drejtave të pakicave nuk mund të ndërtohet e ardhmja e rajonit. Qeveria e re me PDK-në do t’i intensifikojë kontaktet e ndërsjella dhe është e gatshme të garantojë ndikimin e drejtpërdrejtë në përmirësimin e jetës së qytetarëve në Luginën e Preshevës.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!