Ministrja e Punëve të Jashtme, Meliza Haradinaj Stublla, po qëndron sot për një vizitë zyrtare në Mal të Zi.
Vizitën atje, Haradinaj-Stublla e ka filluar me takime në Uqlin.
“Fillova me Ulqinin e fëmijërisë së secilit prej nesh.Një takim shumë i përzemërt me Nënkryetarin e Parlamentit të Malit të Zi, Deputetin shqiptar, Genc Nimanbegu dhe Kryetarin e “Forcës”, z.Nazif Cungu.”, ka shkruar ministrja.
Ajo thotë se me Nimanbegun e Cungun kanë diskutuar për sfidat e shqiptarëve që jetojnë në Mal të Zi dhe për pritjet e tyre nga Kosova, derisa thotë se është e lumtur teksa sheh që në Kuvendin e Malit të Zi flitet shqip.
“Është krenari të dëgjosh gjuhën shqipe tek mbronë veten në Kuvend dhe është jehonë thirrjeje për dinjitet.Me z.Nimanbegu dhe z.Cungu diskutuam për sfidat e shqiptarëve këtu, pritjet e tyre nga ne si Republikë e Kosovës si dhe qëllimin e sinqertë të kësaj vizite për fuqizimin politik të shqiptarëve në Mal të Zi”, ka përfunduar Haradinaj-Stublla.
Ditë më parë kryediplomatja kosovare kishte vizituar edhe shqiptarët e Luginës së Preshevës.
https://www.facebook.com/melizaharadinajstublla/posts/139002631179138?__xts__%5B0%5D=68.ARClYZjEE6a7z2sdWZVEVEpigOZSacOAaLKtB-ZYM2DrhIQAqAf5a4CAaCIEhL8KrwDB90RXi_Kb2Ay405w2QAOu33z2jXJb_XTNzT9F6thWawqUgWAhcBBaNrtUYCrxl8YFOrhf4Vu_WJEutzvqQdLSzhQqNGEbEOZkTLATbBZK6zKztcmmHx8hBwhIgJTthjoNNjHU9fLGAJ1GHH9K1JxQuTYOxadFPa42yX8kvuvwgUHgvXbUK_9Ii_Q2-DyAU2ScNv88qkzlVxvEo-bDO3IlXd1b1O-87fx_gZHM8v3X24q8qnRYskkRR3VDcvzbxwaSfhqUtt5d6lpMURvwZtI&__tn__=-R