×
  • Lajme
  • Pa kategori

    Moti javën e ardhshme: Temperaturat deri minus 5 gradë celcius

    Reporteri
    12 Janar 2020 | 18:27
    Fotografi nga arkivi.

    Java në vijim sipas Prishtina Weather do të jetë me mot të qetë, kryesisht të kthjellët dhe me diell. Temperaturat mbi vlera mesatare. Në vise të ulëta kryesisht me mjegull.


    Njoftimi:

    12.01.2020 – Javën e tretë të muajit janar, rajoni ynë mbetet nën ndikimin e zona anticiklonike që shtrihen përgjatë Mesdheut e deri në lindje të kontinentit, të cilat krijojnë kushte për mot të qetë, kryesisht me diell dhe të thatë.
    Ndërkohë, rryma të ngrohta ajrore nga Mesdheu do të sjellin masa të ngrohta mbi rajon, që do të krijojnë kushte për inverzion termik, me ç’rast masat e ftohta ajrore mbeten të bllokuara nëpër vise të ulëta, ku pritet të formohet mjegulla që mund të mbetet gjatë tërë ditës. Orëve të mëngjesit do të ketë edhe ngrica.

    Kushtet meteorologjike që pritet të mbizotërojnë këtyre ditëve, me mot të qetë dhe mjegull, pritet të përkeqësojnë cilësinë e ajrit, pasi ndotësit do të mbeten të bllokuar në vise të ulëta dhe zona urbane, e vlerat e cilësisë së ajrit do të kalojnë në të pashëndetshme.

    13.01 – Në mëngjes pjesërisht vranët dhe me ngrica. Në vise të ulëta mundësi për mjegull. Ditën kryesisht kthjellët.

    14.01 – Kryesisht me diell. Në mëngje ngrica, në vise të ulëta mjegull, që mund të mbetet edhe gjatë ditës.

    15.01-17.01 – Në mëngjes ngrica, e në vise të ulëta mjegull, që mund të mbetet edhe përgjatë ditës. Në vise tjera, që nuk do të mbulohen nga mjegulla, kthjellët dhe me diell.

    Temperaturat minimale do të luhaten nga -5C deri -2C, ndërsa maksimalet nga +5C deri në 7C. Në viset e mbuluara me mjegull maksimalet do të jenë më të ulëta për 3C deri 5C.
    Kryesisht qetë me erëra të lehta nga jugu dhe verilindja 1-2m/s.

    Shtypja atmosferike do të luhatet kryesisht mbi vlera normale.

     

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!