Presidenti i Kosovës, Hashim Thaçi, ka përkujtuar ish-presidentin, Ibrahim Rugova, në 14 vjetorin e ndarjes nga jeta, shkruan Reporteri.net.
Thaçi ka shkruar se përherë do të nderohet kontributi i tij i madh drejt lirisë dhe pavarësisë së vendit.
Ai shton se miqësia me ShBA-në dhe Perëndimin janë vlera të përhershme të trashëgimisë së Rugovës.
“Në 14 vjetorin e vdekjes së Presidentit Rugova nderojmë kontributin e madh të tij në rrugëtimin e gjatë dhe të mundimshëm të popullit tonë drejt lirisë dhe pavarësisë. Politika paqësore dhe miqësia me SHBA-në e Perëndimin janë vlera të përhershme të trashëgimisë së Presidentit Rugova”, ka shkruar Thaçi.