Është votuar në Qeveri propozimi për ndryshimin e ligjit për zgjedhjet e përgjithshme.

Kryeministri, Albin Kurti ka thënë se ky projektligj është inicuar edhe në legjislaturat e kaluara dhe se mundëson votimin e diasporës në ambasada dhe konsullata duke ua ofruar mundësinë për votim më të lehtë.

“Ky projektligj nuk është i ri. Ai është iniciuar edhe në legjislaturën e gjashtë  dhe ka vazhduar edhe në legjislaturën e shtatë. Ky projektligj e mundëson votimin e diasporës në ambasada dhe konsullata duke ua ofruar mundësinë për votim më të lehtë”, u shpreh Kurti.

Kundër  ndryshimeve në Ligjin për Zgjedhje në procedurë të përshpejtuar janë shprehur partitë opozitare.

Projektligji tashmë është proceduar në Kuvend, derisa Reporteri.net merr vesh se seanca për votimin e ndryshimit të Ligjit për Zgjedhjet e Përgjithshme pritet të nisë në ora 19:30. /Reporteri.net