Nënkryetari i Lidhjes Demokratike të Kosovës ka pritur në takim ambasadorin e Finlandës, Matti Nissinen, delegacionin e Ministrisë së Punëve të Jashtme të Finlandës dhe Fondacionin për Paqe “Marti Ahtisari”-CMI.
Sipas njoftimit, në takim u diskutua për dialogun, ku LDK-ja ofroi mbështetjen mbi procesin si dhe për implementimin e marrëveshjeve që janë arritur në këtë proces.
“Nënkryetari Haziri ka ritheksuar qëndrimin e LDK-së mbi procesin e dialogut për mbështetjen e këtij procesi me ndërmjetësimin e BE-së dhe me përfshierjen e drejtpërdrejtë të SHBA-së. LDK po ashtu mbështet implementimin e të gjitha marrëveshjeve që janë arritur në këtë proces”, thuhet në njoftim, përcjell Reporteri.net.
Ndër të tjera LDK-ja “përsërit që Kosovës i duhet një marrëveshje përfundimtare e përqëndruar te njohja e ndërsjellë dhe asnjë marrëveshje tjetër nuk garanton normalizim të marrëdhënieve Kosovë-Serbi.” /Reporteri.net/
Postimi i plotë:
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
