Ish-Ministri i Infrastruktures, që vjen nga AAK-ja, Pal Lekaj ka thënë se Kosova dhe Serbia po vazhdojnë dialogun dhe marrëveshjet, përkundër se taksa 100% e vënë nga ish-kryeministri Haradinaj është ende në fuqi.

“Taksa ndaj Serbisë të qëndrojë deri në njohje, si i vetmi mjet kompromisi. Me taksën në fuqi Serbia është aty, duke dëshmuar edhe njëherë se dialogu po vazhdon me ndërmjetësimin e ShBA-ve përkundër deklarimeve të Aleksandër Vuçiqit se ne nuk bisedojmë me Kosovën përderisa ata nuk e largojnë taksën dhe ja ku është aty duke nënshkruar marrëveshjen për hekurudhat”, ka shkruar Lekaj në facebook.

“Shpreh mbështetjen time që delegacioni i emëruar nga unë arriti të finalizojë këtë marrëveshje”, shton ish-ministri i Qeverisë Haradinaj.

Ndryshe, në Munih të Gjermanisë, sot është nënshkruar marrëveshja për hekurudhat mes Kosovës dhe Serbisë.