Kreu i NISMA-s, Fatmir Limaj, njëherit deputet i Kuvendit, thotë se po i përcjellë me shqetësim deklaratat e kryetarëve të komunave të prekura nga korona virusi, siç janë Vitia, Klina, Malisheva, e Podujeva se askush nga niveli qendror nuk po i del në ndihmë për ta kapërcyer këtë situatë.

Ai i bën thirrje kryeministrit Kurti t’i thërrasë në telefon kryetarët e këtyre komunave pasi që nuk infektohet nga komunikimi, shkruan Reporteri.net.

Postimi i tij:

Të infektuarve me virus nga komuna e Vitisë, Malishevës, Klinës dhe Podujevës iu dëshiroj shërim të shpejtë.

Në anën tjetër, po i përcjellë me shqetësim deklaratat e kryetarëve të komunave të prekura nga korona virusi, siç janë Vitia, Klina, Malisheva, e Podujeva se askush nga niveli qendror nuk po i del në ndihmë për ta kapërcyer këtë situatë.

Kryeministër, thirri në telefon kryetarët e komunave ku janë paraqitur rastet se nuk infektohesh nga komunikimi.

A je duke i dëgjuar deklaratat e tyre publike se askush nga qeveria nuk ju ka ofruar asnjë ndihmë deri tani.

https://www.facebook.com/FatmirLimajOfficialPage/posts/1447220898799896