×
  • Lajme
  • Lajme

    Lirohet kosovari që u arrestua dje në Serbi

    Reporteri
    31 Maj 2019 | 13:02

    Është liruar nga autoritetet serbe, Astrit Piraj 46-vjecari që u arrestua dje në kufi.


    Lajmin e kanë konfirmuar për Gazetën Express nga Ministria e Punëve të Jashtme.

    Piraj u arrestua nga autoritetet kufitare të Serbisë derisa ishte nisur për në Francë me një linjë autobusësh.

    Pas kalimit të pikës kufitare Dheu i Bardhë, njësitet policore kufitare serbe e vunë nën pranga 46-vjeçarin nga Pozhorani i Vitisë.

    Burime të të afërta me familjen e 46 vjeçarit, bënë të ditur se ai është arrestuar për një vepër të vitit 2007, ”kur një i panjohur i ka dhënë atij copëza hekuri, të cilat do dilnin të jenë të këmbanës së një kishe”.

    Sipas familjarëve për një vepër të tillë 46 vjeçari kishte përfunduar edhe një proces gjyqësor gjatë vitit 2007 por tani nuk kanë dijeni se si një vepër e tillë e A.P ka përfunduar në dosjet e Serbisë.

    Ndryshe, ditë më parë në Serbi është liruar zyrtari i ATK-së, Marjan Gjoka, që po mbahej në paraburgim nën dyshimet se kishte kryer krime lufte.

    I njëjti pas tre ditë mbajtje u lirua, derisa për arrestimin e tij u informuan përveç autoriteteve në vend edhe BE e ambasadat.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!