Lul Raka shpallet fitues i çmimit “Evropiani i vitit”

Mikrobiologu kosovar, Lul Raka është shpallur fitues i çmimit “Evropiani i vitit” për vitin 2020.


Lajmin e ka bërë të ditur, Shefja e Zyrës së BE-së në Kosovë, Natalia Apostolova, shkruan Reporteri.

Ndarja e çmimit është bërë përmes një transmetimi live në Facebook.

Mikrobiologu Lul Raka në këtë kohë pandemie ka dhënë kontribut të jashtëzakonshëm në informimin e qytetarëve.

Ai ka thënë se ndihet i nderuar me këtë çmim. Raka u shpreh se puna e tij në këto ditë pandemie ishte shumë e vogël në krahasim me punën e shërbyesve të tjerë shëndetësore, dhe se do të dëshironte të ndante këtë çmim me të gjithë qytetarët  e Kosovës që ndoqën udhëzimet për parandalimin e pandemisë.

Kujtojmë se për të pestin vit me radhë, me rastin e Ditës së Evropës, Bashkimi Evropian në Kosovë ndan Çmimin Evropiani i Vitit për një individ/institucion që ka kontribuar më së shumti në promovimin e vlerave evropiane në Kosovë gjatë vitit të kaluar. /Reporteri.net