Zyra e arkivit të stacionit policor në Drenas është përfshirë nga zjarri sot rreth orës 13:00.

Rastin e ka konfirmuar Policia e Kosovës dhe bën të ditur se tashmë zjarri është lokalizuar dhe ka filluar puna për evidentimin e dëmeve që janë shkaktuar, shkruan Reporteri.net.

Në vendngjarje ka dalë edhe ekipi i Inspektoratit Policor të Kosovës.

“Rreth orës 13:00 është vërejtur një tym në zyrën e arkivit të stacionit policor në Drenas. Nga ana e zyrtarëve policor që kanë vërejtur tymin janë përdorur aparatet për shuarjen e zjarrit dhe njëkohësisht janë ftuar edhe zjarrfikësit. Zjarri është lokalizuar dhe policia ka filluar punën për evidentimin e dëmeve që janë shkaktuar, si dhe po analizon rrethanat që karakterizojnë ngjarjen me qëllim ndriçimin e shkaqeve të zjarrit”, thuhet në njoftimin e policisë. /Reporteri.net