Leo Docherty, ministër i Britanisë së Madhe për çështje evropiane është shprehur i lumtur që trupat britanike do të përforcojnë KFOR’in në Kosovë.

Britania e Madhe ka marrë vendim që të rris praninë në Kosovë, sidomos pas tensioneve të fundit më 24 shtator në veri të Kosovës.

Më tutje, Docherty ka thënë se Britania e Madhe është e përkushtuar ndaj NATO’s dhe ndaj stabilitetit në Ballkanin Perëndimor.

“Të kënaqur që forcat e Mbretërisë së Bashkuar po forcojnë KFOR-in në Kosovë, duke demonstruar përkushtimin tonë ndaj NATO-s dhe stabilitetit në Ballkanin Perëndimor”, ka thënë ai.

Ai thotë se de-përshkallëzimi duhet të arrihet në të gjitha anët.

”Ne kërkojmë qetësi dhe de-përshkallëzim nga të gjitha anët. E vetmja rrugë e qëndrueshme drejt paqes në Kosovë është përmes dialogut”, ka deklaruar ai.

Pleased that UK forces are bolstering KFOR in Kosovo, demonstrating our commitment to NATO and stability in the Western Balkans.

We urge calm and de-escalation from all sides. The only sustainable path to peace in Kosovo is through dialogue.

— Leo Docherty MP (@LeoDochertyUK) September 30, 2023