Ministrja e Arsimit dhe Shkencës, Arbërie Nagavci ka njoftuar për shefen e re të stafit të kabinetit në këtë dikaster, që do të jetë Edita Buçinca.
Lajmin e ka bërë të ditur vetë Ministrja Nagavci përmes një postimi në llogarinë e saj në Facebook gjersa ka shtuar se Buçinca ka punuar si asistente në Universitetin e Prishtinës.
“Edita Buçinca i ka përfunduar studimet themelore në Degën e Gjuhës dhe Letërsisë Angleze pranë Fakultetit të Filologjisë të Universitetit të Prishtinës, ku ka punuar si asistente e lëndës së Gramatikës së gjuhës angleze”, ka shkruar ndër të tjera Nagavci.