Kryetari i PSD-së, Dardan Molliqaj, ka komentuar intervistën e të dërguarit të Presidentit Joe Biden për Ballkanin Perëndimor, Gabriel Ecobar, dhënë Gazetës Online Reporteri.net, i cili foli edhe për asociacionin dhe dialogun me Serbinë.
“Qasja e Kurtit në marrëdhëniet me fuqitë perëndimore, është ana e kundërt e të njëjtës medalje. Nëse deri tani kemi pasur qasje pranueshme, tash e kemi të kundërtën, që ka tendencë të thotë jo, jo, jo. Kosova është dashur ta dijë çfarë do në këtë dialog, sepse SHBA-ja nuk do “status quo”, e nëse s’ka plan tjetër, të zbatohen marrëveshjet e deritashme. Në të kundërtën, paralajmërohen sanksione. Qeveria ish dashur ta dijë çfarë do, jo vetëm çfarë nuk do. Kjo qeveri kur i vendosi reciprocitetin në targa, shkoi në Bruksel dhe vendosi kompromis”, tha Molliqaj në DebatPlus.
“Duhet të flet qeveria për një kompromis”, u shpreh tutje ai.