Kryetari i Lidhjes Demokratike të Kosovës, Lumir Abdixhiku ka folur në lidhje me vendimin e Kryesisë së LDK-së për të marrë pjesë në seancën ku pritet votimi i Vjosa Osmanit si presidente.

Abdixhiku ka thënë se është i vetëdijshëm që nuk është situate ideale, duke theksuar se LDK ka vetëm 12 deputetë.

Ai ka theksuar se LDK nuk duhet të bëhet destruktive.

“Jam i vetëdijshëm që ska situatë ideale. Alternativën e vetme e kam pas me fol me ata që e kanë një shumicë, u sigurova të flas me kandidaten për president që është depolitike, apartiake, apo bëhemi destruktiv, 68 vota janë andej…”, ka thënë kryetari i LDK-së në Debat Plus.

“Unë jam i bindur që kjo është rruga për tu kthyer LDK”, tha Abdixhiku.

Abdixhiku ka zbuluar po ashtu që në takimin e përbashkët me Vjosa Osmanin e Albin Kurtin, ka kërkuar një gjë nga kryetari i VV-së.

“Një gjë e kam kërkuar prej zotëri Kurti, e kam pyetur a do të silleni njëjtë si do të sillemi ne, a do të merrni pjesë në seanca…. Ta bëni rast kur nesër ne jemi e mora një gjysmë zotimi”, ka thënë ai.

Duke folur për gjendjen aktuale brenda LDK, Abdixhiku ka thënë se këtë gjendjen nuk e ka krijuar ai, por e ka gjetur ashtu.

Tutje, ai është shprehur se si LDK duhet të jenë unik, nëse nuk e bëjnë një gjë të tillë atë do i bëjnë dëm partisë