Sipas rezultateve të shpallura të zgjedhje, mosha mesatare e deputetëve të Legjislaturës së VII do të jetë 44 vjeçare.
Deputeti më i vjetër dhe deputetja më e re vijnë nga Lëvizja Vetëvendosje, kjo parti e cila doli e para në zgjedhjet e 6 tetorit.
Këto statistika i ka publikuar analisti politik, Albert Krasniqi.
“Deputeti më i vjetër në moshë do të jetë Jahja Koka (71), ndërsa deputetja më e re në moshë do të jetë Fjolla Ujkani (22). Që të dy këta deputetë janë nga VV dhe pritet të kryesojnë seancën konstituive të Kuvendit”, ka shkruar Krasniqi në Facebook.