Nënkryetari i OVL të UÇK-së, Naim Haradinaj i ka thënë Prokurorit të Speciluzar se nuk e njeh Gjykatën Speciale dhe se është padrejtësisht aty.
“Nuk e kam njohur dhe nuk e njoh këtë gjykatë, jeni me afat të skaduar pas 2 gushtit. Kemi 150 mijë nënshkrime që jemi kundër kësaj gjykate, e faqezitë deputetë për poste e rroga të veta e kanë sjell popullin këtu, me arrestuar edhe pas skadimit të afatit”
“Jam padrejtësisht këtu, keni thy Kushtetutën dhe ligjin e vendit, keni thy të drejtën e mendimit të lirë edhe dënomeni 500 milionë vjet, nuk muj ma hekni mu as njerëzve që mendojnë si unë”
“Unë për mendimet e lira jam i dënuar në moshën 15 vjeçare nga regjimi i Sllobodan Millosheviqit, luftojmë dhe kemi luftu për të drejtën themelore minimale”, ka thënë Haradinaj, shkruan Reporteri.net.
Kësaj deklarate, gjyqtari i është përgjigjur se do të ketë kohë të mjaftueshme për t’iu përgjigjur të gjitha çështje të ngritura.
Lidhur me paraburgimin e tij, gjyqtari ka thënë se pret që prokuroria të dorëzojë aktakuzën sa më shpejt të jetë e mundur.