Të shtëna me armë kanë alarmuar banorët e rrugës “Nazim Gafurri” në Prishtinë pasditen e sotme.
Sipas policisë deri te të shtënat ka ardhur si pasojë e konfliktit mes dy grupeve, të cilët edhe pasi janë futur në veturat e tyre dhe janë larguar kanë vazhduar të shtënat, shkruan Reporteri.net.
“Sot rreth orës 13:00, kemi pranuar informatën se në rrugën “Nazim Gafurri” në Prishtinë, ka pas të shtëna me armë zjarri.Bazuar në të dhënat e para dyshohet se ka pas shkëmbim zjarri në mes të dy grupeve, të cilët kanë vazhduar të shtënat edhe pasi janë futur në veturat e tyre, me të cilat kanë lëvizë në rrugën e sipërshënuar”, thuhet në njoftimin e policisë.
Policia njofton se lidhur me këtë rast ka ndërmarrë një varg veprimesh operative e hetimore, me fokus zbulimin e identitetit dhe vendndodhjen e të dyshuarve të mundshëm si dhe ka zgjeruar rrethin e hetimit në përpjekje për të ndriçuar dhe sqaruar të gjitha rrethanat që kanë të bëjnë me rastin. /Reporteri.net