×
  • Lajme
  • Lajme

    Negociatat për marrëveshje Kosovë-Serbi: Del agjenda e takimit të nesërm në Ohër, BE zbulon se cila është tema kryesore

    Reporteri
    17 Mars 2023 | 11:07

    Përfaqësuesi i Lartë i BE-së Josep Borel nesër në Ohër do të mbajë një takim të nivelit të lartë në kuadër të dialogut Kosovë-Serbi, ku pretendohet të arrihet marrëveshja në mes të dy vendeve.

    Pjesëmarrja është konfirmuar nga presidenti i Serbisë, Aleksandar Vuçiq dhe kryeministri i Kosovës, Albin Kurti, ka njoftuar EEAS.

    Dialogu do të fillojë në orën 10 me ardhjen e pjesëmarrësve.

    Përfaqësuesi i Lartë, me mbështetjen e Përfaqësuesit Special të BE-së, Miroslav Lajçak, fillimisht do të zhvillojë takime të ndara dypalëshe me liderët njëri pas tjetrit, të cilat do të pasohen nga një takim i përbashkët trepalësh – thuhet në njoftim, raporton Gazeta Online Reporteri.net.

    Tutje, bëhet e ditur se takimi do të fokusohet në finalizimin e Aneksit për zbatimin e Marrëveshjes së BE-së për rrugën drejt normalizimit të marrëdhënieve ndërmjet Kosovës dhe Serbisë. /Reporteri.net

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!