Kryetari i Deçanit, Bashkim Ramosaj, ka njoftuar se në takimin e mbajtur me Shtabin për Menaxhimin e Emergjencave dhe sipas rekomandimeve të IKSHPK-së, nga sot do të jetë në funksion ujësjellësi në këtë komunë.

Ai po ashtu ka bërë një lutje për qytetarët e komunës ku ai udhëheqm që t’i zbatojnë kriteret e poshtëshënuara për përdorimin e ujit.

“Luten të gjithë qytetarët e Komunës së Deçanit të zbatojnë kriteret e poshtëshënuara për përdorimin e ujit:

1.Uji të shfrytëzohet vetëm për nevoja sanitare!
2.Uji për nevoja të amvisërisë rekomandohet të përdoret vetëm pasi të vlohet!
Këto kritere zbatohen deri në një vendim tjetër”, shkroi ai.