Një banesë është kapluar nga zjarri mesditën e së premtës në Vushtrri.

Drejtori për Mbrojtje dhe Shpëtim në këtë komunë, Bajrush Kosumi, ka bërë të ditur se një grua e moshuar është shpëtuar nga ekipi i zjarrfikësve, shkruan Reporteri.net.

Përmes një postimi në rrjetin social Facebook, Kosumi ka thënë se ky ishte një rast i jashtëzakonshëm për Komunën e Vushtrrisë.

Ndërkohë, Gazeta Online “Reporteri.net” ka kontaktuar me Policinë e Kosovës, ku zëdhënësi Avni Zahiti ka bërë të ditur se në vendin e ngjarjes kanë dalë njësitet policore dhe zjarrfikësit tashmë kanë lokalizuar zjarrin.

Ende nuk dihen shkaqet që shkaktuan djegien e banesës.

Postimi i plotë i Kosumit:

Sot, u ballafaquam me një rast të jashtëzakonshëm me rastin e një zjarri në një objekt banesor përball sheshit “Hasan Prishtina”, me çrast u shpëtua jeta e një zonje të moshuar si rezultat i intervenimit të shpejt nga Shërbimi i zjarrëfiksave.

Falënderojmë për bashkëintervenim dhe mbështetje edhe Policinë e Kosovës dhe KEDS-in.

Sinqerisht,

Bajrush Kosumi

,

Drejtor për Mbrojtje dhe Shpëtim

/Reporteri.net