×
  • Lajme
  • Lajme

    Një shtetas kinez që nga mbrëmë i shtrirë në QKUK, dyshohet se është prekur nga koronavirusi

    Reporteri
    26 Shkurt 2020 | 11:04

    Një qytetar me origjinë nga Kina është shtrirë mbrëmë në Klinikën Infektive në QKUK, i cili po dyshohet se është prekur nga koronavirusi i ri Covid-19.


    Pacienti nuk ka simptoma të theksuara të sëmundjes që ka origjinën nga vendi i tij Kina, por pas dyshimeve dhe shqetësimeve që ka pasur është paraqitur në Klinikën Infektive.

    Mjekët janë duke observuar gjendjen e tij dhe deri më tani nuk ka ndonjë konfirmim nëse është prekur nga koronavirusi.

    QKUK në një përgjigje për Gazetën Shneta ka deklaruar se shtetasi kinez është 28-vjeçar dhe i janë marr mostrat për analiza. Përveç tij janë edhe dy kosovarë që do të testohen për koronavirus të cilët janë të kthyer nga Italia.

    “Një shtetas kinez 28-vjeçar, një femër 27-vjeçare studente në afërsi të Romës në Piaqenza dhe një burrë 39-vjeçar i punësuar në Milano, u janë marr mostrat dhe pritet rezultati i analizave”, thuhet në përgjigjen e QKUK-së.

    Kujtojmë se edhe në ditët e kaluara ka pasur raste të dyshimta në Klinikën Infektive të cilat pas testimeve në laboratorin e Institutit Kombëtar kanë rezultuar negativ dhe janë liruar nga spitali.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!