Nuk ndalet Boiken Abazi, publikon fotografi të tjera duke pretenduar se i janë vjedhur votat

Kryetari i degës së Lëvizjes Vetëvendosje në Shqipëri dhe kandidati i kësaj partie për deputet atje, Boiken Abazi, është ankuar se po u vidhen votat gjatë procesit të numërimit.


Abazi kësaj radhe përmes një shkrimi në Facebook, ka publikuar edhe fotografi, duke thënë se këto janë fakte se po u vidhen votat.

“Për të mbuluar krimin elektoral, mbrëmë tentuan me të gjitha format e presioneve që mos t’i lejonin vëzhguesit tanë të bënin fotografi në qendrat e numërimit. Por ja që ia dolëm sërish me fakte të tjera të dëshmojmë se si votat tona deformohen me një “X” të dytë nga komisionerët, për t’ia kaluar votat tona PS ose për t’i shpallur ato të pavlefshme”, ka shkruar ndër të tjera ai.