×
  • Lajme
  • Lajme

    Nuk u ftua në debatin për Podujevën pasi nuk shihet pretendent serioz, Fetahu i PDK-së i kushton një status të gjatë këtij veprimi

    Reporteri
    23 Nëntor 2020 | 23:09

    Sonte në një nga televizionet e vendit u zhvillua debat mes dy kandidatëve për kryetar të Podujevës, Nexhmi Rudarit nga LDK dhe Shpejtim Bulliqit nga Vetëvendosje.


    Por në këtë debat nuk u ftua kandidati tjetër për kryetar të kësaj komune, ai nga PDK, Naim Fetahu. Të paktën kështu ka thënë vet ky i fundit përmes një statusi që ka bërë në rrjetin social Facebook.

    Por Fetahu thotë se nga debati që pa, nuk i mbetet asgjë merak, pasi aty kishte vetëm fyerje e sharje dhe se llapjanët e patën mundësinë të shohin ‘ofertën’ e dy kandidatëve që ishin prezent në debat, shkruan Reporteri.net.

    Postimi i tij:

    Vërtetë për keqardhje që nuk u ftova në këtë emision, në T7, por nga ky debat nuk më mbeti asgjë merak.

    Fyerje, sharje nga më të ndryshmet, cilësime si: Hajn, idiot, rrenc, uzuraptor, i padijshëm, kukull dhe akuza për abuzim të parasë dhe pronës publike, e deri te keqpërdorimi i ngjyrave për lyerjet e shtëpive private.

    Turp i madh.

    Megjithatë, më vjen mirë që llapjanët patën rastin të shohin qartë edhe një herë “ofertën” e këtyre dy kandidatëve që janë ana e njëjtë e një medalje.

    Pa asnjë program dhe ide të re për qytetarët.

    Këta nuk janë përfaqësuesit e bashkëqytetarëve të mi llapjanë. Podujeva meriton më mirë. Podujeva meriton më shumë.

    Shpërndajeni në mbështetje të kandidaturës time dhe votojeni numrin 10

     

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!