Presidentja e Kosovës, Vjosa Osmani, në Samitin e Komunitetit Politik Evropian në Moldavi u takua edhe me kryeministrin e Belgjikës, Alexander De Croo, me të cilin thotë se diskutoi zhvillimet e fundit.

“Theksova rëndësinë e bashkëpunimit tonë të ngushtë në avancimin e rrugës së Kosovës drejt BE-së dhe e falënderova për udhëheqjen e tij në thellimin e marrëdhënieve tona dypalëshe ????”, shkroi Osmani në llogarinë e saj në Twitter.

Great to see Prime Minister of Belgium @alexanderdecroo at @EPCMoldova & to discuss recent developments.

Lexo edhe:

Profesori amerikan: Vuçiqi u mund nga Osmani, ishte e pritshme

Tre milionë euro investim në Neurokirurgji dhe Kirurgji vaskulare, transformim i sallave operative

Këshilli i Etikës rekomandon suspendimin e profesorit Krasniqi, vendimi përfundimtar në dorën e Rektorit

I emphasized the importance of our close cooperation in advancing Kosovo’s EU path and thanked him for his leadership in deepening our bilateral relations. ???? pic.twitter.com/5z3G5TZbGC

— Vjosa Osmani (@VjosaOsmaniPRKS) June 2, 2023

Osmani, ka takuar edhe kryeministrin e Britanisë së Madhe, Rishi Sunak, me të cilin kanë diskutuar në lidhje me zhvillimet e fundit në rajon dhe bashkëpunimin e fortë Kosovë-Britani e Madhe.

“Së bashku me kryeministrin Rishi Sunak diskutuam zhvillimet e fundit në rajon dhe bashkëpunimin tonë të fortë me Britaninë e Madhe. Shprehim mirënjohjen tonë për mbështetjen e qëndrueshme të Mbretërisë së Bashkuar dhe përkushtimin tonë të vazhdueshëm për të vazhduar përpjekjet tona të përbashkëta për paqen dhe sigurinë afatgjatë”, ka shkruar Osmani.

Presidentja Osmani ka zhvilluar një takim të shkurtër edhe me Presidentin e Serbisë, Aleksandër Vuçiq, ku ishin të pranishëm edhe presidenti i Francës, Emanuel Macron, kancelari gjerman Olaf Scholz dhe shefi për Politikë të Jashtme të BE-së, Josep Borrell.

Osmani tha se në këtë takim të shkurtër u dëshmua se Vuçiq nuk është i interesuar për zgjidhje dhe as për paqe, shkruan Gazeta Online Reporteri.net.

Sipas Osmanit, presidenti serb, Vuçiq ankohej, vajtonte dhe nuk tregonte të vërtetën në takimin me të.