Zyrtarë të EULEX-it kanë kryer një aksion bastisjeje në zyrat e OVL të UÇK-së dhe kanë arrestuar kreun e kësaj Organizate, Hysni Gucatin dhe nënkryetarin, Nasim Haradinajn.

Për këtë aksion ka reaguar OVL e UÇK-së në Dukagjin.

Përmes një komunikate, këtë akt e quajnë sa të pahijshëm aq dhe të dëmshëm për marrëdhëniet e tyre me Bashkësinë Ndërkombëtare, dhe me ata që pritet të ndajnë drejtësi.

“Sjellja ndërkombëtare ndaj përfaqësuesve të Organizatës së Veteranëve me rastin e bastisjes së zyrave dhe arrestimin e kryetarit e nënkryetarit, sa është e pahijshme aq dhe e dëmshme për marrëdhëniet tona me Bashkësinë Ndërkombëtare, dhe me ata që pritet të ndajnë drejtësi. Drejtësi kjo e një anshme ku trajtohet vetëm UÇK e jo pala serbe. Për ne kjo është e pa pranueshme, andaj presim reagimin e institucioneve tona lidhur me rastin dhe jo heshtjen e tyre”, thuhet në reagim.