Zhvillimet politike të fundit në vend ishin temë në takimin ndërmjet Kryetarit të Lidhjes Demokratike të Kosovës dhe ambasadorit amerikan në Prishtinë, Jeffrey Hovenier, raporton gazeta online Reporteri.net.
Theks i veçantë i diskutimeve, siç njoftoi Abdixhiku, ishte situata e sigurisë në në Republikën e Kosovës.
“LDK beson se koordinimi i ngushtë i institucioneve të vendit me aleatët tanë strategjik është garancë e sigurisë sonë nacionale dhe e rrugëtimit tonë euroatlantik”, ka shkruar Lumir Abdixhiku.
“Bashkë diskutuam për zhvillimet e fundit politike në vend, me theks të veçantë gjendjen e sigurisë në Republikën e Kosovës”.