Arsim Gërxhaliu, drejtor i Institutit të Mjekësisë Ligjore, në një dokumentar të televizionit publik që ka të bëjë me zhvarrimin e familjes Jashari, shihet duke e puthur kafkën e komandantit legjendar, Adem Jashari.

Gërxhaliu ishte ai që kishte marrë përsipër në vitin 2002 identifikimin e trupave të familjes Jashari, gjatë zhvarrimit të tyre.

Për shkak të gabimeve që janë bërë gjatë varrimit të të vrarëve në luftimet në Prekaz, ka qenë e nevojshme që të bëhet zhvarrimi i tyre dhe që të bëhet identifikimi i secilit veç e veç.

Ndërkaq televizioni publik ka realizuar një dokumentar që ka të bëjë pikërisht me ditën kur janë zhvarrosur anëtarët e familjes Jashari.

Nga minuta 17:20, shihet Arsim Gërxhaliu duke puthur kafkën e skeletizuar të komandantit legjendar Adem Jashari.