×
  • Lajme
  • Lajme

    Pas arrestimeve nga Gjykata Speciale, reagon ish-zëdhënësi i UÇK-së: Krerët e shtetit i kanë futur kokat nën shalë

    Reporteri
    25 Shtator 2020 | 21:34

    Ish-zëdhënësi i Ushtrisë Çlirimtare të Kosovës, Jakup Krasniqi, ka reaguar pas arrestimeve dhe bastisjeve në zyrat e Organizatës së Veteranëve të Luftës së Ushtrisë Çlirimtare të Kosovës.


    “Prokuroria e Dhomave të Specializuara, shpirtin e bazamentin e Republikës së Kosovës, Ushtrinë Çlirimtare të Kosovës, e cila është Liria e Pavarësia jonë, po e quan ndërmarrje kriminale?!Kjo është çmenduri!”, ka shkruar Krasniqi.

    Ai ka adresuar kritika ndaj krerëve të shtetit të Kosovës.

    “Ndërsa, krerët e institucioneve të Kosovës, kokat i kanë futur nën shalë?! Nga ku, nuk shohin e as dëgjojnë gjë?!”, është shprehur ai.

    Shkrimi i Krasniqit:

    Shqiptarët ne pushtet duhet ta njohin filozofinë popullore

    Sipas filozofisë popullore: “Mashkulli i keq, të ligën nga mali e bie në shtëpi, ndërsa i miri të ligën nga shtëpia e bartë në male”.

    Por, nëse mashkujtë e këqij, i kemi zot shtëpie? Çka ndodhë??? Ndodhë ajo që e pamë në media.

    Madje, që nuk kemi as zot shtëpie, e konfirmuan zhvillimet e sotme.

    Prokuroria e Dhomave të Specializuara, shpirtin e bazamentin e Republikës së Kosovës, Ushtrinë Çlirimtare të Kosovës, e cila është Liria e Pavarësia jonë, po e quan ndërmarrje kriminale?!Kjo është çmenduri!

    Këtu, natyrshëm shtrohet pyetja: A është Prokuroria e Dhomave të Specializuara e krijuar nga shteti i Kosovës apo i Serbisë se Viçiqit? Ata, prokurorët, jo vetëm që nuk e njohin shtetin, por, kanë dalë krejt jashtë mandatit te tyre kushtetues e ligjor. Çka është tepër, tepër është.

    Ndërsa, krerët e institucioneve të Kosovës, kokat i kanë futur nën shalë?! Nga ku, nuk shohin e as dëgjojnë gjë?!

    Po ta njihnim filozofinë popullore, axhamitë kurrë nuk do të visheshin me pushtet.

    Kjo është dëshmia më e mirë, se ne duhet të ndalemi se fryri BALONA POLITIK!

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!