Pas konfirmimit të dy rasteve me koronavirus në Kosovë, reagon Presidenti Thaçi

Pas konfirmimit në një seancë të jashtëzakonshme të dy rasteve me koronavirus në Kosovë, ka reaguar Presidenti i vendit, Hashim Thaçi.


Ai përmes një statusi në Facebook, u ka bërë thirrje të gjithë qytetarëve që t’i ndjekin instruksionet e dhëna nga institucionet tona përgjegjëse, shkruan Reporteri.net

Ndryshe, Thaçi gjithashtu ka kërkuar nga qytetarët edhe të mos bëjnë panik dhe të kenë kujdes me njëri-tjetrin.

“Të nderuar qytetarë, Më herët u njoftova nga institucionet e vendit se tashmë janë konfirmuar rastet e para me virusin COVID19 në Kosovë. U bëj thirrje të gjithë qytetarëve të Kosovës, që t’i ndjekin me përpikëri instruksionet e dhëna nga institucionet tona përgjegjëse. Kërkoj nga ju që ta menaxhojmë edhe këtë situatë pa panik, në koordinim dhe me kujdes të shtuar për njëri-tjetrin. Ne, së bashku, do t’ia dalim! HTH”, ka shkruar Thaçi.

Kujtojmë që dy rastet e konfirmuara është një shtetase italiane e moshës 20 vjeçare dhe një tjetri i moshës 77 vjeçare.

Reporteri.net