Puna për nxjerrjen e trupave të pajetë të minatorëve Idriz Gërbeshi dhe Haki Arifi është duke vazhduar edhe në këto momente në Minierën e Artanës.
Pritet që diku edhe pas dy orës me intensitetin të lartë të punës të bëhet nxjerrja e trupave të tyre, njofton Klan Kosova.
Ekipit të Klan Kosovës që po qëndron atje i është konfirmuar se familjarët kanë dhënë lejen që të bëhen mihje vetëm në mënyrë që të tërhiqen trupat.
Ngjarja tragjike ka ndodhur ku në njërin nga horizontet e minierës së Artanës ka pasur shembje të dheut.
Dy personat që kanë humbur jetën tragjikisht ishin brenda derisa një pjesë e minierës u shemb, ndërkohë që disa të tjerë morën lëndime të lehta. /Reporteri.net/