Kryetari i Prishtinës, Shpend Ahmeti dhe kryeministri në detyrë Albin Kurti janë duke zhvilluar një takim prapa dyerve të mbyllura për media.

Kurti është i shoqëruar edhe nga ministri në detyrë i Shëndetësisë, Arben Vitia dhe zëdhënësi i qeverisë, Përparim Kryeziu.

Vizita e Kurtit në komunën e Prishtinës, vjen pas disa vizitave të tjera të realizuara në komuna të Kosovës, për të parë nga afër menaxhimin me pandeminë e coronavirusit.

Ky takim vjen pas një kohe të gjatë mes tyre. Ahmeti kishte fituar zgjedhjet si kandidat i VV-së për kryeqytetin, mirëpo që pas ndarjes së këtij subjekti, i njëjti kishte kaluar në fraksionin tjetër që kishte formuar PSD-në.

Që nga ajo kohë, Ahmeti e Kurti nuk ishin takuar më, teksa kishin pasur përplasje mes vete nga distanca.

Kurti dhe Ahmeti pas takimit, pritet të prononcohen edhe për media. /Reporteri.net/.