×
  • Lajme
  • Lajme

    Kriza në veri, të mërkurën takimi në Bruksel mes Kosovës e Serbisë

    Reporteri
    27 Shtator 2021 | 17:43

    Pas tensioneve të ngritura pas reciprocitetit të vendosur për targat, në Bruksel, pala kosovare dhe ajo serbe këtë javë pritet të mbajnë takim dialogu.


    Takimi pritet të mbahet këtë të mërkure, mes shefave të ekipeve negociatore të Kosovës dhe Serbisë.

    Këtë takim mes zëvendëskryeministrit Besnik Bislmi njëherit shef i ekipit negociator kosovar dhe shefit negociator serb Petar Petkoviq, e ka konfirmuar për Klankosova.tv, zyrtari i Lartë për Informim për Politikë të Jashtme në Bashkimin Europian, Peter Stano.

    Përfaqësuesi i Lartë i Bashkimit Euopian për Politikë të Jashtme dhe Siguri, Josep Borrell, ka përsëritur të dielën thirrjen drejt palëve që të punojnë në zbutjen e tensioneve në veri të Kosovës dhe është shprehur se, një hap i parë në këtë drejtim do të ishte shkuarja e kryenegociatorëve në Bruksel.

    Ngjashëm ka bërë thirrje edhe sekretari i Përgjithshëm i NATO-s, Jens Stoltenberg pas bisedës që zhvilloi me kryeministrin Albin Kurti, dhe presidentin serb Aleksandar Vuçiq.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!