Një burrë nga Elmwood Park i New Jerseyt, i cili po akuzohet për goditje me thikë në shpinë të një të afërmi në natën e Vitit të Ri, raportohet se u hidhërua sepse gruaja qeshi me të kur ai u ankua për lëvizjen e xhaketës së tij.
Emiliano Domi, 25 vjeç, akuzohet për tentativë vrasjeje të shkallës së parë dhe pesë akuza të tjera në ngjarjen e 31 dhjetorit.
Në deklaratën e shqiptarit, detektivët shkruan se Domi ishte fjalosur me nënën e tij për lëvizjen e një xhakete në divanin e dhomës së ndenjes. Gruaja “qeshi me të, gjë që bëri që Emiliano të zemërohej (dhe ai) e shtyu atë në tokë”, thuhet në deklaratë, raporton nj.
Domi pranoi para hetuesve se kishte marrë thikën e kuzhinës dhe e ka goditur nënën dhe më pas është larguar nga shtëpia.
“Ai tha se qëllimi i tij ishte ta vriste atë dhe se u largua nga shtëpia duke besuar se ajo kishte vdekur”, shkruante në deklaratën e shqiptarit.
Pak kohë më vonë, Domi hyri me qetësi në një furrë buke në Garfield dhe filloi të bënte pyetje të çuditshme, gjë që ngriti shqetësime. Këto dërguan në arrestimin e shqiptarit dhe zbulimin e lëndimit të gruas, thanë autoritetet.
Domi u arrestua në Garfield më vonë gjatë ditës. Krahas tentativës për vrasje, Domi akuzohet për dy vepra për sulm të rëndë, tentativë vrasje dhe dy vepra për armë.